تضامنا مع حملة تراحم لفك ديون المساجين
هذه قصيدة اشادة بمواقف اهل تيماء
من الدكتور عبدالعزيز بن سليم الحماد
يقول فيها :
تم اكتمال مبلغ الافراج عن المساجين في شهر الخير والغفران.
اهداء لأهل تيماء الكرماء
كفو الرجال اللي تحل الحلاحيل
اللي تريد بفعلها العغو غفران
كفو النشاما شالت الكف كالسيل
جود على جود الشهر زاد ميزان
امعربة بالطيب والكيف والهيل
هداجها ملفى التواريخ وازمان
في ظل راية بدد الكفر والميل
ابو فهد اللي عطى الحزم سلمان
كل المدن ميدانها سبق اصيل
وهذي تبوك بفارسه ولد سلطان
اعلن تراحم فعل ماهو بتمثيل
وهبت هبايب للوطن فك سجان
هذي عوايد ديرتي دون تبديل
منهاجها يوم الزمن فيه بلشان
ان قلت فيها شيوخ اثمن رجاجيل
اللي تسد برايها كل غلطان
ديرة رخا ديرة سلام وتساهيل
ديرة تميز بالتلاحم والاحسان
تيماء السخا تيماء الوفا والتعاليل
تاريخها مدون تصانيف والوان
فيها القصص فيها العبر والتراتيل
امجادها تذكر سلالات واوطان
اعيدها واقول للجيل والجيل
سيروا على درب الكرم خير فرسان
وختامها صلوا صلاة التهاليل
نبينا اللي بين الدين بركان
وسلامتكم
أخوكم الدكتور / عبدالعزيز بن سليم الحماد
تبوك.
يوم السبت الموافق 1438/9/15
